剛剛一齊有2日假又可以Weekend Getaway，零晨時份登上往大阪的CX566，上到機已經昏睡了
接近櫻花開花時節，市面上愈來愈多櫻花產品推出。雖然買唔到Starbucks櫻花杯，但都係店內嘆番杯Sakura Blossom Strawberry Latte，比便利店買到的Sakura Latte好飲得多！
係大風大雨下由酒店行到難波郵局買KitKat但卻撲個空。搭零晨機之後真係好眼訓，係便利店食完早餐都可以訓得著…
大阪城梅林
到大阪城時下的雨比難波時更大。大阪城梅林係大阪城旁，梅林內有過千棵梅花榭，梅林係幾靚，但一直行都覺得好凍好眼訓
一蘭拉麵 (心齋橋)
作為一蘭拉麵的Fans，來到心齋橋一定要先去食番碗拉麵。同以往一樣，一碗２倍辣的，而另一碗無辣+糖心蛋 Cross Hotel (心齋橋)
食飽之後頂唔順，要返酒店眠一眠。今次好好彩，酒店免費升級了預訂的房間，係時候好好义電預備今晚行程
燒肉いろりや (心齋橋)
去了大阪6年都無食過燒肉，燒肉いろりや係24小時營業，而坐位之間都有間隔彷彿小包廂。燒肉太好食餸飯一流！而甜品中的冰凍士多啤利配練奶超正！！
食完飯代表要準備宵夜，到百貨公司掃甜品是少不了，除此之外，仲有到便利店買2月16日才推出的「PABLOモナカアイス」
黑門市場
近年黑門三平太多人，而黑門市場內有好多商店都設有座位可以坐低慢慢食新鮮魚生，而且魚生組合更啱口味 (三文魚，吞拿魚，甜蝦及海膽)，而且仲有鮮甜的蟹肉！
而今年買水果都可以退稅，同樣包裝的淡雪比香港的售價平一半！！
心齋橋．八爪魚丸篇
2日內食了好多次八爪魚丸，2日1夜大阪遊第一餐八爪魚丸由大阪城開始，而返到心齋橋見到都是熟口熟面的八爪魚丸店 「くくる」及「本家」
多間八爪魚丸中始終忘不了「くくる」，濃濃的醬汁配大大粒的八爪魚，而大大粒的八爪魚代表少不了「本家」
KUROTAKO
但今年心齋橋多了一間八爪魚丸店 - KUROTAKO，KUROTAKO製作時間比旁邊的くくる長。而製作時落了龍蝦汁，所以食落口時會感受到比一般八爪魚丸香！
而次次上機前少不了…
次次打爆行李喼都係一盒又一盒的手信及零食