2016 - 7天北海道

第1日：札幌 第2日：余市，積丹 (島武意海岸，神威岬，水中展望船) 第3日：支笏湖，洞爺湖，昭和新山，中山峠 第4日：青池，後藤純男美術館，富田農場 第5日：札幌 第6日：札幌 (Pre-Wedding) 第7日：札幌

---

[北海道交通 / 觀光巴士] JR北海道 札幌市交通局 (市電 / 地下鐵) CHUO BUS YOKOSO

第1日：札幌

根據以往去日本經驗知道，一人一個大喼都只係剛剛好，而今次仲要影Pre-Wedding加上是去７日北海道，小道具、禮服、及婚紗等等，我哋２人未出發已經有３個喼、４袋手提行李！７日旅程由早上CX582開始～

 

3年後再來到北海道的新千歲機場，走過長長的扶手電梯搭「JRエアポート」到札幌市，上車前還買了三文魚、蟹肉便當，及香港沒有見過的Fanta蘋果汁

 

Hotel Gracery Sapporo

酒店係正札幌站對面，但次次都訂唔到。酒店大堂係７樓，房間都十分整潔，而隔間設計及大細都是日本典型的

スープカリー ヒリヒリ2号

到酒店已經是３點多了，因明天要早起不想去薄野。係酒店休息一會之後上TabeLog睇下札幌站附近有咩好食（TabeLog類似香港的Openrice)。

而「湯咖哩」係日本北海道其中一種特產食品，而係札幌站附近有間「スープカリー ヒリヒリ2号」有3.56的不錯評分呀

 

當初以為湯咖哩是配拉麵 / 烏冬，原來都是配飯的…而湯咖哩沒什麼特別，試一次可以了

 

宵夜篇

食完飯時大丸百貨公司都未關門，可以先到B1/F買件蛋糕做宵夜，而LeTAO的芝士蛋糕超好食，不愧是人氣No.1

 

除此之外，當然要行哂酒店附近的便利店Lawson，Sunkus，及 7-11買期間限定的白桃Häagen-Dazs

 

第2日：余市，積丹 (島武意海岸，神威岬，水中展望船)

CHUO BUS

之前係大阪參加過YOKOSO的本地團，確實係幾好的。但係北海道CHUO BUS去的景點比較吸引，本地團係日本很受歡迎，參加前可到先係網上預約報名

原本「L-2 絶景積丹岬コース」已經滿了，好彩出發前又突然有位！真好！

余市NIKKA威士忌工廠

一大早８點到ESTA 2/F的集合點交團費及等待出發。一日團由「札幌站前巴士總站」出發 ，經「小樽站前巴士總站」到余市NIKKA威士忌工廠

導遊先帶到工廠試飲區，試飲的飲品有「余市12年」、「鶴10年」及「蘋果酒」，另外還有「蘋果汁」及「Asahi烏龍茶」（當年第一個成功培育出來的蘋果就在余市，亦有人說余市蘋果不下於青森）

 

 

試飲完走到工廠附近的博物館參觀，手信店買點酒及紀念品回去

 

 

島武意海岸

落車之後經過條狹窄及暗黑的隧道到島武意海岸，一出隧道見到清徹及高透光度的海水，而海水由綠色漸變到不同的藍色，這種「積丹藍」真係好鬼靚

 

 

入舸‧鱗晃莊

由島武意海岸落山，大約５分鐘車程到食午飯的「入舸‧鱗晃莊」。午餐已經包括在團費內，但海膽要另外付2000円1盤(100g)。

 

積丹半島附近水域水質極佳，而且只可以係６月－８月捕獲海膽 (解禁期)，加上要遇上有出海打撈才食到～既然正是時候又難得食到，當然要１人１盤積丹名產「白雲丹」啦！

 

神威岬

同樣位於積丹半島的「神威岬」，傳說因Tyarenka為義經投身大海而成為了神威岩，但因Tyarenka妒忌，令女性乘坐的船都發生意外，因此「神威岬」被詛咒為女人的禁地

 

由旅遊巴落車行１５分鐘左右到「神威岬」內沿住步行道漫步欣賞積丹、日本海風景，但風太大可能會被關閉

 

 

積丹水中展望船

旅遊巴隨後到積丹町美國港，登上積丹水中展望船。展望船船票不包括在團費內，需另外自費，但本地團的票尾可享折扣 (1100円/人)

展望船的座位不多，40分鐘的遊覽旅程先到斷崖峭壁，航程中可以近距離欣賞透徹的「積丹藍」

 

 

遊客會被分成兩批到展望船下層，下層的船身都是玻璃，可以係「積丹藍」海水內見到大量海膽及魚群。而同一時候已經有大量海鷗聚集係附近

 

 

 

最後是成個遊覽重點－餵海鷗，餵海鷗的麵包不用自費。只要有麵包海鷗們便會圍住你，到一高舉時海鷗便會搶走麵包，但海鷗都有失手時（哈哈…）

 

札幌 炎神

回程時好塞車 (慢到可以孵Pokemon蛋)，比原定時候遲了回札幌，我們選擇了時計台落車，到狸小路四丁目的炎神食拉麵。炎神用1300度的高溫火槍燒湯底，將湯頭和油脂乳化令湯底更香，而湯底濃度剛好，麵質爽口，無論味噌或鹽味都很好，可以再去！
～～～～～～～～～～～～～～～～～～
地址：北海道 札幌市中央区 南二条西 4-4 狸小路四丁目商店街 (地圖)
電話：050-5868-4307 (+81-50-5868-4307) (預約專線)
交通：地下鉄大通駅・すすきの駅より徒歩3分
營業時間：11：00～23：00
～～～～～～～～～～～～～～～～～～

 

 

第3日：支笏湖，洞爺湖，昭和新山，中山峠

今天參加了CHUO BUS的另一個1日本地團「S 支笏湖・洞爺湖周遊コース」，遊覽「支笏湖」，「洞爺湖」，「昭和新山」，及「中山峠」

支笏湖

差不多２小時的車程由 札幌 到 支笏湖，支笏湖是4 萬多年前火山爆發形成的破火山口湖。大約１０點左右到達支笏湖，離水中展望船開出時間剛好仲有１０分鐘，可以慢慢行落去～

  

 

未開船已經可以落到展望船下層欣賞水中魚群

 

支笏湖的湖水近岸的是綠色再漸漸變成藍色，水中仍可見當年火山爆發的痕跡

 

 

 

 

 

支笏湖旁的紅色山線鐵橋，過去曾是擔負運送物資到苫小牧的主要通道，而今日成為鐵道遺產

 

鮮菇王國‧大瀧店

係車上大人表示肚餓，但又無乾糧，只好捱到休息站。鮮菇王國‧大瀧店，是售賣各種菇類的集散地，另外還有餐飲。售賣的即燒香腸很特別，是將香腸接在骨頭一起燒的，之後見有人點了章魚燒，我忍不住都要入去搵！

 

洞爺湖萬世閣

休息站之後到午餐地方 - 洞爺湖萬世閣酒店，食完飯由酒店走到洞爺湖邊賞湖散步，可惜最後時間不夠用不了雪榚折扣劵

 

昭和新山．有珠山火口原展望台

昭和新山屬於支笏洞爺國立公園，位於有珠山火山旁，1943年正值第二次世界大戰時有珠山火山爆發所隆起的活火山

落車後隨即登上有珠山纜車，之後再要走大約20分鐘登上有珠山火口原展望台

  

  

 

昭和新山．熊牧場

山底纜車站旁是昭和新山熊牧場，牧場門口有賣100円/包的飼料門口先都是熊仔，上次餵熊仔已經是2013年係登別 (網誌)

 

 

再來是懶洋洋的公熊，只是飼料拋遠少少都不會去追。而雌熊都是比較主動，除了會揮手外，當中有隻更懂用雙手捉住雙腳表演

 

當中有幾隻是在鐵欄內，牠們有些會揮手，當中有隻會拷打欄底的鐵盤示意 (大概不想人類總是將飼料拋不進去…)

 

 

阮熊總是喜歡將食的先洗一洗，但去到全都睡了！臨走時到牧場門口食了即燒煙肉

 

北海道 増毛町魚鮮水産

好回味之前磯丸水產的味噌烤蟹蓋，可惜札幌沒有分店。網上見簿野的増毛町魚鮮水産都有燒蟹蓋，位置剛剛是旅遊巴落車站
～～～～～～～～～～～～～～～～～～
地址：北海道札幌市中央区南４条西３丁目１－１ (１Ｆ) (地圖)
電話：050-5788-4571
交通：札幌市営地下鉄南北線 すすきの駅 3番出口 徒歩1分/札幌市電 すすきの駅 徒歩3分
營業時間：16：00〜0:00
～～～～～～～～～～～～～～～～～～

 

 

 

 

今次回酒店前都會行下附近的便利店，次次都會行過之前住的三井酒店，而晚晚都總愛先買飯團做明天早餐～而今次綠茶會送樽套，都唔係間間便利店有

 

第4日：青池，後藤純男美術館，富田農場

連續第３天參加CHUO BUS的團「P-1 ファーム富田と青い池・美瑛コース」，去睇四季都有不同靚景的青池，及夏天才有的花田

砂川休息站

由「札幌」到「青池」相距將140公里最快車程都要約２個半小時，所以中間會停２個休息站。第１個休息站－砂川休息站

北西之丘

第2個休息站，可以係金字塔型的展望台上欣賞美瑛景色，塔下有小食及手信店，當中白玉粟米超級甜，差不多個個都會買

 

 

 

青池

落車之後行１５分鐘沙塵滾滾的道路到達青池，池水好藍綠好似假咁，可惜一直都落雨，要不是影出來的效果會更好

 

 

 

後藤純男美術館

日本畫大師－後藤純男的美術館，都係我哋第一次係美術館食飯，最好笑是蜜瓜只是切了一半？！覺得太多時間留係美術館，如果可以多點時間係青池會好ｄ

  

富田農場

午餐過後到富田農場，比起上次的富田農場，今次幸好還有點薰衣草　(7月中會是最好，因為一到8月花農會將薰衣草收割以保存花株)

 

 

 

而且今次有行到香水工場，及手信店。當然都有食男爵薯仔及薯仔湯！

 

 

 

 

Wa.Bi.Sai 花ごころ 北3条店

因為今天是大人生日，一定要搵間餐廳好好慶祝。之前已經食過湯咖哩、魚生、拉麵、魚鮮水産。今次集中搵Shabu Shabu，係札幌市東急百貨有間好似不錯
～～～～～～～～～～～～～～～～～～
地址：北海道中央區札幌市Kitasanjonishi 3 Hulic札幌館地下1樓 (地圖)
電話：011-223-8500
交通：札幌市營地鐵南北札幌站9號出口
營業時間：17：00〜23:00
～～～～～～～～～～～～～～～～～～

 

 

食前舉杯好好祝賀大人生日，而Wa.Bi.Sai的湯底好清配少脂肪的豬肉，手鞠壽司好得意，仲有12種什錦小吃

 

食完之後仲有半小時東急百貨便關門，一齊急步衝到東急百貨買大人喜好的蛋糕

 

第5日：札幌

原定今日影婚紗相的，但一早６點起來只見到烏雲密佈，半小時候攝影師Whatsapp問我哋幾時番香港，並將拍攝日子改為明天

六花亭．札幌本店

之前係富良野的坎帕納六花亭 (カンパーナ六花亭)見有好多商品出面無得賣的。但現在不用去富良野咁遠，因為係六花亭開了札幌本店。1/F是賣各式食品及蛋榚，而2/F是餐廳
～～～～～～～～～～～～～～～～～～
地址：札幌北4西6丁目3-3
電話：011-261-6666
交通：JR札幌站南出口徒歩3分
營業時間：10：00〜19：30
～～～～～～～～～～～～～～～～～～

自然食バイキング 菜蒔季

「旋轉壽司根室花輪」係日本都係間有規模的迴旋壽司店，一到JR Tower 6/F的分店只見人群在等了，係門口自助取票等位，但要等太耐了

於是過了對面「自然食バイキング 菜蒔季」食all-you-can-eat，即係自助餐，但壽司要另外加錢（可以唔加，因為真係唔好食），食完返到「旋轉壽司根室花輪」都仲未輪到我哋

 

 

 

 

 

由早上到午餐過後都收到日本發出的天氣警示，而雨勢也愈落愈大，所以都係行下大通公園附近的百貨公司。可惜都係睇唔啱agnès b / Porter d袋～

 

狸小路

原來計劃到狸小路買哂所有手信，因為狸小路有多間手信店都可以即時退稅及較集中！但今次竟然放唔到血，因為間間賣的商品都差不多，沒有比較特別。同幾年前的感覺有好大分別，反而無得退稅商店款式較齊

 

 

 

 

難陀

因「蝦蟹合戰」近年任食套餐貴了不少，最平都要6000円(限任食款色仲好少)，今次去了難陀，全食任飲100分鐘都係4780円(不含酒精飲品) / 5980円(含酒精飲品)，另加消費稅。而且仲可以先係網上訂位，難陀會email確認的

任食有花咲蟹、松葉蟹腳、帝王蟹、毛蟹、鱈場蟹腳、扇貝、蝦、牡蠣、黑毛和牛等130種食材
～～～～～～～～～～～～～～～～～～
地址：北海道札幌市中央區南五條西 2 (地圖)
電話：011-532-7887 (+81-11-532-7887)
交通：地下鉄南北線すすきの駅 徒歩5分
營業時間：17:00～22:30
網頁：http://g-nanda.com/
～～～～～～～～～～～～～～～～～～

 

 

 

 

 

 

 

 

 

最後我哋２個人100分鐘都食了半隻花咲蟹、2.5隻毛蟹、15隻鱈場蟹蟹腳、黑毛和牛、豬肉、蝦、扇貝等等！好滿足！

 

第6日：札幌 (Pre-Wedding)

終於影婚紗相，好彩有藍天白雲，天色不錯!

第7日：札幌

二条市場

到了７天北海道之旅的最後一天，先到二条市場睇蟹及食魚生飯做早餐，之後都係返回札幌的大丸買鱈場蟹腳，再搭「JRエアポート」到新千歲機場

 

 

新千歲機場

寄行李之後到新千歲機場周圍行，新千歲機場真係似商場多個機場，由生猛海鮮、蔬果、手信。3樓有一條Smile Road，分別有 Royce工場、哆啦A夢 Sky Park、及Hello Kitty Japan。而且仲有即炸Calbee薯片

 

最後登上CX581返香港，今次行李真係好多，而登機前都係LAWSON買了２個飯團～

 

 

 

夕張蜜瓜係北海道名產之一，當造期太約每年的6月－7月。因為以一樹只種一個夕張蜜瓜，所以所有養分都集中在一個蜜瓜，而糖度可高達 20-23

夕張蜜瓜分為:  特秀，秀，優， 良， 當中以特秀為最高級但很難找到。「優」已經很好食，但如果是追求甜之外還要享受蜜瓜本身的清香，那要買「秀」了

 

 

當造期太約每年的7月－10月，岡山縣的「晴王」，及山梨縣的「香印(シャインマスカット)」都係日本最受歡迎的青提，２款提子果肉都很大，無籽，甜度高（糖度達 20）果皮薄而且脆

而分別在於「晴王」甜度十足，但「香印」除多甜更多了一層青提本身的香味，味道較豐富，係日本大丸買「晴王」要３千幾円，而「香印」賣４千幾円！

 

 

 

 

 

 

 

---

您或許對這些文章有興趣:

[2016] 札榥 積丹 支笏湖

[2013] 札榥 登別

[2011] 函館

[2011] 札幌

[2011] 小樽

[2011] 富良野

---