中環．山頂公園

下午到中環碼頭，原本想搭15號巴士上山頂，但人太多之後行去IFC搭小巴，人龍沒有巴士的咁長，但都唔少，落車後由凌霄閣旁的柯士甸山道一直行上山

  

 

柯士甸山遊樂場

行一陣已經到柯士甸山遊樂場，差唔多到時先記得排隊等小巴時買了枝野飲，但始終唔記得帶落車。柯士甸山遊樂場係太平山上維多利亞式公園之一，內有一大片草地及維多利亞式涼亭，而噴水池旁有洗手間可以方便下

 

 

前港督別墅守衛室

前港督別墅已經拆卸，但保留了守衛室，守衛室下有大片草地，野餐一流。雖然沒有野餐籃、野餐墊，但可以係涼亭下一齊食小食都好開心！

 

 

 

山頂公園

山頂公園前身係港督別墅，所以公園很有英式風格，而花園中有個維多利亞式涼亭

 

由公園的樓梯行上去有個成日係電視都到的涼亭，幸好涼亭旁有小食亭可以買番枝嘢飲。涼亭係山頂而且無遮擋，坐一陣都覺得幾凍。

 

 

一上到去收到指示要買燒賣，係涼亭覺得凍凍地都係加多枝熱維他奶好D，而且見到有餐肉腸仔麵賣呀～都係要埋啦！

 

涼亭再行前有個瞭望台，瞭望台的景觀比涼亭更無遮擋，可以望到薄扶林水塘，長洲，大嶼山及南丫島。睇完日落之後沿原路回到凌霄閣