愉景灣

中午12點由尖沙咀搭船去中環碼頭再轉船去愉景灣，剛好趕上12:40的船而大約20-25後到達愉景灣碼頭

 

愉景廣場 / D Deck

走出碼頭已經係愉景廣場，沿廣場行到D Deck有好多餐廳食肆，但最後入了麥當勞食粟米批飲粟米湯

 

大白灣沙灘

由D Deck走到海傍見到大白灣沙灘，走到沙灘上覺得沙好細而且好軟覺得係唔係人做沙灘呢？！

 

原來大白灣沙灘的沙係由海南島運來，而沙灘上有幾間草屋，好有係外國的感覺。走到沙灘的盡頭打下韆鞦，整個愉景灣都好寧靜感覺好舒服

 

由沙灘回到廣場，雖然唔係好曬但已經開始流汗，尋找永安百貨時卻走入fusion超級市場過冷河，有趣的是超市門口有地方畀奇主做dog parking

 

愉景北商場 (DBN Plaza)

由廣場搭巴士到愉景北商場，巴士站係露天廣場旁，而香港愉景灣酒店（Auberge Discovery Bay Hong Kong)係廣場的右邊。由廣場走到海傍有一排心形圖案，情侶可以把鎖掛係上面

 

海濱白教堂係酒店後面，教堂比想像中大而且酒店有馬車租，但馬匹好肥顯得腳好短

 

DBN Plaza都有間惠康超市，但售賣的貨品都係大件裝，所轉去巴士站旁的7－11買雪榚到海邊食

食完雪榚再搭巴士到碼頭轉船返香港。愉景灣的寧靜環境全完唔似香港，令人好舒服好放鬆！