海洋公園 Ocean Park

- 2003 -	- 2006 -	- 2007 -	- 2008 -	- 2009 -
- 2010 -	- 2011 -	- 2012 -	- 2014 -	- 2015 -

2003年第一次因為學校旅行而一齊去海洋公園，但當時無咩影到相。而下一次到海洋公園竟是4年後的到2006年！

百鳥居 (已拆卸)

2006年仲有大樹灣入口時我哋仲拎哂長鏡入去打雀，但百鳥居已經係2010年拆卸

 
  

太平洋海岸

沿長長的扶手電梯到有懶洋洋的海豹及海獅，地面可以見到工作人員餵正在曬太場的海獅海豹，再落一層可以睇到牠們暢泳，有次仲見到隻海獅撞玻璃

 
 
 

由太平洋海岸行上山係機動遊戲集中地，次次到海洋公園只會玩摩天巨輪及飛天鞦韆，但今年再去有人話再玩唔到飛天鞦韆了…

 

^ Top

餐廳 / 小食

金香雞

摩天輪下有幾間餐廳 - 雪糕樂，Pizza小館及金香雞。10次有8次都會食金香雞的炸雞配薯條，有時會加多枝栗米，總係覺得海洋公園咁多間餐廳中炸雞係最好食

 

 

雪糕樂

食雪榚！食雪榚！炎熱天氣下食完金香雞之後都會去食番杯雪榚，之前買過Mövenpick亦係雪糕樂買過新地雪糕

海洋冰室

第一次去跳樓機下的海洋冰室應該係2003年了，而幾年後都我哋都有再去撐枱腳

 

大熊貓餐廳

而亞洲動物天地對面的大熊貓餐廳都有幫襯過呀，係炎熱的天氣下當然少不了一杯冰凍的雪榚

 

海龍王餐廳

直到2011年，海洋公園重新裝修完成，昔日的海洋館亦變了今時今日的夢幻水都，海龍王餐廳面對水都的「大銀幕」都係食環境

 

 

 

 

冰極餐廳

海洋公園次次開新的主題展館都會有間新餐廳，2014因為有新開的南極奇觀而再去海洋公園，而冰極餐廳可以睇到企鵝們嬉戲。但同海龍王餐廳一樣收費不便宜，加上天氣太熱，休息夠了再啟程～

 
 
 

海洋劇場

到海洋公園一定要睇海洋劇場，雖然無了殺人鯨但都要去睇，自從2007年嗰次無去睇之後，您次次都有問我睇唔睇，點解呢？

 

 

 

^ Top

- 2006 -

2006年新開了水母萬花筒，由機場放工搭A10到香港仔再轉車到海洋公園。到公園門口已經有好多水母裝飾

熱帶雨林大探索

2006年才有的熱帶雨林大探索內有稀奇的熱帶雨林生物，但大部分都係爬蟲、昆蟲，都係您唔喜歡的物種

 

金魚大觀園 / 鯊魚館 (已拆卸)

食飯之前去了睇已拆卸金魚大觀園，以前的大觀園比現有的大好多，而2006年的鯊魚館已經搬了位

 

灣景餐廳

新開的除了有水母萬花筒外，還有水母館上的灣景餐廳。餐廳景觀一流，但唔好食兩碗麵的湯底都是暖的，不熱

 

太平洋海岸

食完飯之後行太平洋海岸之後肚仔開始作動，要緊急地急步離開！！

 

香港賽馬會四川奇珍館

四川奇珍館的安安、佳佳由2006年開始都係一樣，次次見到都係食…食…食…

 

 

水母萬花筒

玩過兒童王國之後之後坐吊車到車站旁的水母萬花筒，原先以為水母萬花筒是短期展區，原來唔係呀～

 

^ Top

- 2007 -

深海雪地動物展 / 得意動物村

2007年的得意動物村及旁的深海雪地動物展，而只有15度的雪地動物展中有你喜歡的北極狐及北極狼，臨走前仲要返轉頭睇多次

 

 

 

兩棲王國

但對於同場的兩棲王國則有180度不同的態度！

水母萬花筒

當初以為水母館只是臨時展館，但原來是長期展館，水母館內比較暗而且好細。而對水母館的灣景餐廳印象好深，餐廳好多人但味道又唔啱我哋口味，而咁啱我地食完之後都肚仔痛

 

 

 

^ Top

- 2008 -

中華鱘館

2008年時原本的鯊魚館變為中華鱘館，中華鱘是古代魚歷史價值高，但我哋都覺得唔靚。而館外仍保留了有了多年的日式庭園 - 怡庭

 

 

 

  

海洋館

今日被夢幻水都取締了的海洋館，可能是去了多年感覺上魚的蜈目比新的夢幻水都多，而且更集中，而次次您都要睇大海龜

 

 

 

 

^ Top

- 2009 -

亞洲動物天地

鱷魚潭

亞洲動物天地係2009年開放另我哋再去多次海洋公園了！亞洲動物天地入口係有中國神話中神獸之稱的揚子鱷住的鱷魚潭

 

大熊貓之旅

經過鱷魚潭到涼涼的大熊貓之旅，初見小熊貓時有2、3隻，而牠們的樣子充滿稚氣，是個菲林殺手！到2015年小熊貓已經長大了，樣子有了變化，而且成日都唔出現

~ 2009 ~

 

~ 2010 ~

 

~ 2011 ~

 

~ 2012 ~

 

住係小熊貓對面的鄰居係大熊貓的盈盈和樂樂，次次見到兩隻大熊貓都係食和訓

 

 

 

除了大熊貓及小熊貓外，還有國寶級受保護動物 - 娃娃魚

 

金魚寶殿

以前的金魚大觀園已經變身成為大熊貓安安和佳佳的香港賽馬會四川奇珍館，而金魚搬到大熊貓之旅出口的金魚寶殿

 

^ Top

- 2010 -

2010年最後一次經大樹灣入口到海洋公園，因剛剛係哈佬喂，由大樹灣入口經登山電梯上山已經有好多哈佬喂的佈置

 

 

登山纜車 / 海洋列車

以前只有登山纜車來往山上及山下的海洋公園，但今年開始可以搭海洋列車往來。而且山下花園改為海濱樂園，而高峰樂園即以往的南朗山了

 

 

天上王者

今年除了有全新的海洋列車外，還有全新的雀鳥劇場，而猛禽及其他雀鳥品種會係表演中穿梭觀眾席，最後您有同雀仔影相

  

  

 

今次玩到好夜，雖然已經無交通工具返去金鐘，但可以同您手牽手行出去巴士站都係個幾好的回憶

 

^ Top

- 2011 -

2011年海洋公園完成大翻新，大樹灣入口不見了，而正門亦有不同。入去公園前我哋仲用連環快拍360度自拍，入樂園前要搜袋，而入到樂園一切都唔多哂

 

 

 

夢幻水都

新的夢幻水都代替了以前的海洋館，最吸引都係最後的大玻璃魚缸

 

 

 

 

 

 

雙龍奇緣

而入夜後到夢幻水都對開的人工湖旁霸位睇有水幕投影，配上光柱，水炮和噴火的雙龍奇緣表演

 

 

^ Top

- 2012 -

2012年去過海洋公園2次，第一次因為落太大雨，所以只去到公園門口，再轉去赤柱及上環。

香港老大街

而第2次去到時天色有點灰暗但都無礙今次行程，今次海洋公園又有新景點 - 香港老大街，老大街呈現香港50 - 70年代的風貌

 

 

 

 

香港賽馬會四川奇珍館

四川奇珍館除了有大熊貓安安佳佳外，還有金色毛髮的川金絲猴，川金絲猴會互相整理毛髮，又不停咁捉蚤令我哋睇咗好耐。川金絲猴的活潑同鄰居 - 安安佳佳有好大分別

  

動感天地

今年有好多新嘢，除了香港老大街外，又有新的機動遊戲，機動遊戲比原本的更刺激，都係唔啱我哋玩，只可惜南極奇觀仲未開，只好等下年了

 

 

 

熱帶雨林天地

熱帶雨林天地除了有熱帶激流外有條熱帶雨林探險徑，探險徑內可以見到世上體型最細的猴子侏狨，香港見過的水豚及蜜熊

 

 

 

^ Top

- 2014 -

南極奇觀

2014年再去海洋公園主要係睇您心愛的企鵝，今次南極奇觀終於開幕了，可以見到一隻隻肥嘟嘟的企鵝。睇完之後，我哋仲去冰極餐廳開餐。但始終搵唔到雪狐居…

 

 

^ Top

- 2015 -

澳洲歷奇

又被海洋公園吸引了，真係估唔到澳洲歷奇竟然係香港老大街的戲院內，同周圍環境唔係好夾。入到戲院先播出一段澳洲原住民的片段後，可以入去見到可愛的南澳樹熊及紅頸袋鼠

 

 

記得我哋係一齊度高嗎？而樹熊好懶，唔係工作人員搞到佢唔滿意，都唔肯郁動！

 

南極奇觀

再來到海洋公園除了要睇小熊貓之外，更要睇下肥嘟嘟的企鵝，而今次企鵝好忙咁預備小企鵝的來臨

  

雪狐居

上次搵唔到的雪狐居原來入口係南極奇觀手信店內，北極狐白雪雪又活躍好可愛，睇到唔捨得走

  

尋鯊探秘

無左好耐的鯊魚館又重臨了，位置其實是之前的海洋館，是午睡時間嗎？！條條鯊魚都訓了

 

北極之旅

北極之旅除了有為食的斑海豹表演外，也有兩隻珍寶級太平洋海象

 

又是哈佬喂的時間，今次唔使行出去搭巴士了！而且玩Trick or Treat仲拎到唔少糖，開開心心返金鍾元氣食晚餐

 

^ Top