2015 - 大阪．神戶．岐阜縣

2015 - 大阪．神戶．岐阜縣

第1日 (關西．梅田)
第2日 (中部．飛驒高山，白川鄉，富山)
第3日 (中部．高岡大佛，兼六園，東茶屋街及關西．大阪)
第4日 (關西．神戶)
第5日 (關西．大阪)

第1日 (關西．梅田)

早上7：55 CX594由香港向關西出發，今個旅程係2015年的第1個Trip，今次會去日本關西地區(大阪，神戶)及中部 (高山，白川鄉，富山)

因為明天去中部的本地團會一早由梅田出發，所以酒店方面選了梅田駅上蓋的Hotel Granvia Osaka。酒店景觀不錯，望出去係大阪駅頂樓的「天空農園」

酒店下正正是梅田地下食街，仍舊食了炒麵及燒餅，但估唔到八爪魚丸則大排長龍

食飽之後向大阪城出發，由地鐵 (谷町線) 的東梅田駅 (T20) 到谷町四丁目 T23 (9出口)的大阪城。而大阪城有冬期限定的Jewell lllumination Show，大阪城 3D Mapping 及光之Big Blue (http://www.tenka1hikari.jp)

返到梅田駅上蓋食過滑滑烏冬，加上刺身及baby Mon cher做甜品

第2日 (中部．飛驒高山，白川鄉，富山)

2日1夜的本地團 - Club Tourism YOKOSO Japan Tour (http://www.yokoso-japan.jp) 由梅田 Plaza Motor Pool上車

上車之後直接上高速公路，高速公路上已經開始落雪

飛驒高山

本地團到達第一站，飛驒高山古街時更大雪，一落車已經見到白雪雪一片，而古街區保留了當年日本江戶時代的建築群。

白川鄉

今年日本好大雪，而白川鄉下的雪比高山的更大。落車之後經過相逢橋便會入到白川鄉的合掌村

白川鄉內的合掌屋係世界文化遺產之一，大雪下的合掌屋更靚

富山溫泉・APA富山

返到富山酒店已經天黑，本地團包括了自助晚餐，自助餐一點都沒欺場！

第3日 (中部．高岡大佛，兼六園，東茶屋街及關西．大阪)

今次旅程酒店景觀真係唔錯，一早望出去都係一片白色，食過早餐之後再上旅遊巴啟程去新湊Saatokito市場

高岡大佛

高岡大佛高約16米，重65噸，不單是高岡市的象征，亦係高岡市有形文化遺產。高岡大佛與奈良大佛、鐮倉大佛為日本三大佛。高岡大佛鑄造的各個環節都是高岡的工匠親手完成

兼六園

位於金沢市的兼六園，係日本三名園之一。由於兼備日本庭園少有的「宏大，幽邃，人力，蒼古，水泉，眺望」，所以稱為「兼六園」

東茶屋街

茶屋係日本傳統藝妓歌舞表演場所，江戶時代中一般樓建築都不可建有兩層的，但茶屋卻可建有兩層，到二樓的客人亦係身分象徵。東茶屋街係金沢三個保存完好的江戶時代茶屋區之一，除東茶屋街外，還有西茶屋街及主計町茶屋街

回程時係休息站買咗個熱騰騰的日本三大和牛之一的近江牛肉包，及蟹肉包。蟹肉包好香好好食！

本地團可以選擇係難波落車，可以慳番程地鐵錢番到Swissotel Nankai Osaka Hotel

再次到心齋橋一定要大食特食八爪魚丸，仲有一蘭拉麵

多間八爪魚丸中都係くくる最好食，不單有大大粒的八爪魚，醬汁又多味道又適中，而且唔太多生薑

第4日 (關西．神戶)

鐵人廣場及三國志

由大阪到神戶先搭阪神電鐵到神戸三宮駅，再轉JR到新長田駅。一出站已經有好多指示行去鐵人廣場及三國志，可惜當日天氣唔好，好大雨！

Kobe Beef Steak Restaurant's Mouriya

來到神戶一定要食下出名的神戶和牛，而Mouriya係三宮亦有名氣的。點了個150g的Premium Sirloin 及鮑魚套餐，神戶和牛真係名不虛傳，牛的油香味留一直係口腔內

北野異人館

六甲牧場

Kobe Port Tower

經過到JR神戶駅旁地下街，係地下街出口見到麵包超人自動販賣機，售賣麵包超人飲品

經過地面出口再步行數分鐘已經到神戶塔

返到心齋橋已經有點餓，食下小食睇下新版的固力果

心齋橋其中兩大美食：Pablo芝士蛋糕及くくる八爪魚丸做宵夜

第5日 (關西．大阪)

來到大阪幾日都未去黑門市場，今日起身係食個美味的八爪魚丸，再去黑門市場食早餐。今日係今次旅程的最後一日，食完早餐要盡情Shopping！

Shopping完之後都差唔多係午餐時間，既然來到日本當然都試下近來大熱的大起水産回転寿司

雖然係回轉壽司，但鮮味不減款式又多，下次可以再試！

臨走時食多次八爪魚丸再買手信是常識吧！(哈哈)

雖然今次係4號閘口上機，但都要搭另一架往1-3號閘口的無人駕駛列車，只是為了去ANA Festa買盒去過北海道都一定會買的Potato Farm

而今次行程仲有個重要目的…

您或許對這些文章有興趣:

留言