廣東德慶．盤龍峽

盤龍峽

一早到中港碼頭搭船，但今次唔係去澳門，而係參加永安的盤龍峽旅行團。旅行團先由經水路到中山客運口岸

 

由中山客運口岸再要轉幾小時的旅遊巴到盤龍峽，車程中停過幾個油站休息，食完飯之後到達盤龍峽。入盤龍峽的路好窄，一入到盤龍峽已經見到好大隻字 - 負離子洗肺！

 

盤龍峽內有穿梭巴士上山，行落山的途中有大大小小的水車，水車中有不少的谷瀑，而且仲有得玩激流及空中飛人

 

 

 

落山之後有段自由活動時間，稍為休息之後到餐廳食飯。晚上外出行咗個圈，但盤龍峽晚上伸手不見五指。返到房先發現唔記得帶萬能插蘇，酒店房間好大，除了有張King size的床外，還有個圓形的按摩浴池

 

 

中午旅程中向導遊訂了隻雞做宵夜，晚間導遊把雞及汽水送到房間。第一次自己手撕雞，而農村的雞比香港的雞味濃好多

 

盤龍峽中的薰衣草田也是著名景點，記得廣告中模特兒好享受係薰衣草田中拍照，但現實中卻好多蜜蜂！仲有個伯伯講那些蜜蜂不會針人…

 

 

 

水雲澗

離開盤龍峽十數分鐘車程到雲南小數民族以茶為主題的水雲澗，店面鬼馬風趣教人品茶及試食

 

 

 

 

金林水鄉

有1700多年歷史的古村，古村內有荷花池、田園、金林土炮及竹筏。

 

 

 

 

經過古村小路到一間小食店，小食店有滑溜豆腐花，再係豆腐花上淋上糖水。但糖水引來不少蜜蜂！

 

食完豆腐花後出去買美味的酒糟花生，另外係空地的小檔售賣好耐都無玩過的沙炮

 

出到市區食完晚餐便上船回港