2016 - 東京

又是Weekend Getaway，今次2日1夜去東京為了買Panerai，哆啦A夢博物館，及美少女展。零晨1點的CX524機位有點緊張，最終都好彩上到機

因為太早係入境大堂的Skyliner & Keisei櫃位都未開，去便利店食完飯團之後去只有B1/F營業的服務中心換Keisei Skyliner & Tokyo Subway Ticket (包括了來回Skyliner及24小時地鐵車票)

藤子・Ｆ・不二雄ミュージアム

由上野站到酒店APA Hotel Ueno-Ekimae都幾遠下…

寄存行李後到酒店對面的LAWSON便利店內的Loppi取票，幸好有人做足功課最後拎到入場票

坐JR及小田急線私鐵到登戸駅，再轉接駁巴士(藤子・Ｆ・不二雄ミュージアム線)到哆啦A夢博物館。接駁巴士共有4款，往博物館時搭了Q太郎，車內無論落車鐘，及扶手都是Q太郎

到達時還未可以入場，等侯時係門外見到哆啦A夢食銅鑼燒，而亮點卻係身後的老鼠。另外，仲有胖虎演唱會，及有耳的哆啦A夢

館內展覽區都禁止拍照的，只是休息區／戶外地區可以影相留念。由地面的History Road、不二雄的房間，到樓上睇樵夫之泉．靚仔版胖虎

2樓仲有Kids Space，漫畫 Corner，及大家的廣場。廣場內有大型透明哆啦A夢扭蛋機，及多年內無影過的貼紙相

而頂層有空地及Museum Café，Café太多人了都無謂等了。空地有隨意門，大雄的恐龍，及漫畫中經常出現的空地水泥管

而空地有手信店及小食攤位，除了有記憶麵包，及哆啦美最愛的蜜瓜包

中野

到中野時已經係午餐時間，隨便去入元祖迴轉壽司，元祖壽司有不少分店，但質素只是普普通通。

由元祖壽司再往前行到今次Weekend Getaway其中一個主要目標 - 買Panerai PAM590。因為Jackroad表示已被預留，而只有龜吉有貨，但全新錶的錶帶上竟有花，缺少了新錶的感覺而最後只好放棄

淺草寺

由中野再走到淺草睇東京的寺院 - 淺草寺，但一出站便呆了，雷門全都圍起來緊急維修（點解次次都係咁…）

繞過雷門，通過仲見世通時可以遠望Skytree，而無論仲見世通或本堂內外都是人海

Tokyo Skytree

到Skytree時接近黃色時分，因此比較多人入場需等45分鐘。由大堂上到觀景堂的升降電梯很穩亦沒有耳朵不舒服的感覺。上到Tembo Deck已經都處都是人，而上Tembo Galleria又要再排隊買入場票，都是留在Tembo Deck睇日落吧～

上野．一蘭拉麵

由到東京第一餐到最後一餐都係上野食，通過JR站到上野站旁的一蘭拉麵。跟關西及九州分店的不同，只有日文的單，而且沒有職員帶位
～～～～～～～～～～～～～～～～～～
一蘭拉麵．上野山下口店
地址：台東区上野7-1-1
電話：03-5826-5861
～～～～～～～～～～～～～～～～～～

上野．叙々苑燒肉

叙々苑　(叙叙苑)是日本出名的連鎖燒肉店 (網站)，質素很好是價錢是高一點，而往返酒店時都會經過的西郷會館2樓便有分店
～～～～～～～～～～～～～～～～～～
叙々苑．上野不忍口店
地址：東京都台東区上野公園1-57 西郷会館2F
電話：03-5807-0089
營業時間：11:00～22:45
～～～～～～～～～～～～～～～～～～

次次燒肉都係燒蜆，今次轉燒海螺，燒的海螺十分有咬口，又有海螺本身的香味。

另外仲點了豬肋肉及牛五花肉，食豬肋肉已經可不用調味品，而牛五花肉比較肥，用韓式食法味道更好，也沒有了油膩的味道

上野．阿美橫丁．磯丸水產

早上到Mori Tower睇美少女戦士セーラームーン展，但又時人太多只好回到阿美橫丁睇下有咩好食。磯丸水產亦是連鎖形式的爐端燒店，平實價錢食高質海鮮，性價比相當高的店，而蟹肉味噌烤蟹蓋更不可不食
～～～～～～～～～～～～～～～～～～
磯丸水産．上野6丁目2号店
地址：東京都台東区上野6-7-12
電話：050-5797-5490
～～～～～～～～～～～～～～～～～～